Сұхбат: Алланың өзіне емес, жаратылысына ой жүгірт, әйтпесе адасасың (2026.03.17 / Хижри 1447-жыл 28-Рамадан)

 https://nvrislam.net/index.php?j=kz&post=8746

Сұхбат: Алланың өзіне емес, жаратылысына ой жүгірт, әйтпесе адасасың (2026.03.17 / Хижри 1447-жыл 28-Рамадан)

Исламбол (Станбул), Түркия.

(Lefke, Cyprus, Türkiye, 2026) Бисмиллахир рахманир рахим, «هُوَ ٱلَّذِى خَلَقَ ٱلسَّمَـٰوَٰتِ وَٱلْأَرْضَ فِى سِتَّةِ أَيَّامٍ», яғни, «көкпен жерді алты күнде жаратқан Ол еді», құран 57інші сүре 4інші аят, «وَقَدَّرَ فِيهَآ أَقْوَٰتَهَا», яғни, «және оның риздықтарын өлшеп қойды», құран 41інші сүре 10інші аят, садақаллахулғазим. Пайғамбарымыз ﷺ, «біз Алланың құдіретіне ой жүгіртіп, тәфаккур етуіміз керек» десе, ол тағы, «бірақ Алланың өзіне ой жүгіртпеңдер, Ол неге ұқсайды, Ол қайда деген сияқты нәрселерді ойламаңдар» дейді. Демек, оның орнына, Алланың жаратқан жаратылыстарына ой жүгірт, солардан ғибырат ал, олар арқылы Алла ﷻдың ұлылығын түсініңдер. Алла Әззә уә-Жәллә мына дүниені жаратты, осы жершарыны жаратты, және әр нәрсені өлшеп, таразылады, жоспарлап қойды. Бұнда адам түсінетін нәрселер бар, бірақ бұлар аз, ал адамдар түсінбейтін нәрселер өте көп.

Егер біреу өзі түсінбейтін нәрсеге араласса, ол ақылынан айырылар, бұндайда ол ақылын, немесе иманын жоғалтып алар, сондықтан, пайғамбарымыз ﷺ, «Алланың Өзіне, асылына ой жүгіртпе» дейді. Бұлай ойлауды қоя тұралық, кейбір адамдар тым ұзаққа кетіп, қажетсіз нәрселерді құдай көрер, соларға құлшылық етер, кейбірі тіпті ұзаққа қаңғып кетеді. Олар сондай ойлар, құдай сақтасын, тіпті олардың ойынша Алла адам бейнесімен келіп, адамдар арасына кіреді екен-мыс. Ал осы нәрселер өте қисынсыз нәрселер, олар логикадан жұрдай. Білгін, сен адамсың, Алла ﷻ саған ақыл берді, ал сенің бұл ақылың шектеулі ғана. Мәлім нәрселерде кейбір шек-шегара болады, ондай нәрсеге жоламаңыз, ал жоласаңыз, құритын боласыз, оған жақындасаң, шаруаң бітеді, сондықтан сен өз шек-шегараңды білуің керек.

Алла Әззә уә-Жәллә көкпен жерді жаратты, ол оларды адамзаттың есебі бойынша алты күнде жаратқанын айтады, ал осыбір алты күннің қанша милион, қанша милиярт екенін Алла өзі біледі. Бұны білмейсіздер, бірақ сонда да адамдар бірдеңені түсінбек болып құлшынар, олар тырыса-тырыса келе, «мына әлем қаншалық үлкен» дер, оны да білмекке құлшынар. Бірақ адамдар оның ақыр-шегіне жете алмайды, осының өзі Алла ұлылығын, Оның жаратқанын, және Оның қалай есептеп қойғанын көрсетуде, Ол барлығын жаратқан, сонша милиярт-трилион жұлдыздар бір-бірімен соғылмай бірге келе жатыр. Басқа нәрселер сияқты, олардың да өз өмір уақыттары бар, ал осы өмір уақыты біткенде, басқа істер туылар, және не туыларын Алла өзі білер. Ал қазір біздің кезегіміз, осы кезегіміз келгенде, біз де Алла ﷻмен тыныштық ішінде кездесуіміз керек, міне осы жәйлы ойланыңдар.

Біз Алланың бізге бұйырған әмірлерімен әдемі құлшылықтарын орындалық, және Аллаға кездесер күнді күтуіміз керек, Оған иман етіп, сенуіміз керек, себебі ол күн өте маңызды күн. Иманмен аттану, Оған сеніп, иман ету, иманымызды сақтап, ақиретке бару қатарлы істер маңызды істер болмақ. Алла ﷻ барлығымыздың құлшылығымызды қабыл еткей, әрине, біздің құлшылығымызда кемшілік көп. Ал кейбір адамдар бар болып, олар әркімнің ісіне келсін-келмес араласады. Көптеген адамдар осылай өзге ісіне килігіп, «сен жақсы құлшылық еттің, намазды жақсы өтедің, немесе намазды жақсы өтемедің» деп, артық сөйлер. Ал біз құлшылығымызда кем тұстардың бар екендігін білеміз, бірақ Алла оны да қабыл етер, Алла ﷻ бізді кешіргей, және қабыл еткей, иншалла. Және Ол бізге жәннәтқа жетуді нәсіп еткей, иншалла, барлығымызды, иншалла.

- УәминАллаһиТауфиқ, әл-Фатиха.

- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық

nvrislam.net

instagram.com/nvrislami

سۇحبات: اللانىڭ وزىنە ەمەس، جاراتىلىسىنا وي جۇگىرت، ايتپەسە اداساسىڭ (2026.03.17 / حيجري 1447-جىل 28-رامادان)

يسلامبول (ستانبۋل)، تۇركيا.

(Lefke، Cyprus، Türkiye، 2026) بيسميللاحير راحمانير راحيم، «هُوَ ٱلَّذِى خَلَقَ ٱلسَّمَـٰوَٰتِ وَٱلْأَرْضَ فِى سِتَّةِ أَيَّامٍ»، ياعني، «كوكپەن جەردى التى كۇندە جاراتقان ول ەدى»، قۇران 57ءىنشى سۇرە 4ءىنشى ايات، «وَقَدَّرَ فِيهَآ أَقْوَٰتَهَا»، ياعني، «جانە ونىڭ ريزدىقتارىن ولشەپ قويدى»، قۇران 41ءىنشى سۇرە 10ءىنشى ايات، ساداقاللاحۋلعازيم. پايعامبارىمىز ﷺ، «ءبىز اللانىڭ قۇدىرەتىنە وي جۇگىرتىپ، تافاككۋر ەتۋىمىز كەرەك» دەسە، ول تاعى، «ءبىراق اللانىڭ وزىنە وي جۇگىرتپەڭدەر، ول نەگە ۇقسايدى، ول قايدا دەگەن سياقتى نارسەلەردى ويلاماڭدار» دەيدى. دەمەك، ونىڭ ورنىنا، اللانىڭ جاراتقان جاراتىلىستارىنا وي جۇگىرت، سولاردان عيبىرات ال، ولار ارقىلى اللا ﷻدىڭ ۇلىلىعىن تۇسىنىڭدەر. اللا ءاززا ءۋا-ءجاللا مىنا دۇنيەنى جاراتتى، وسى جەرشارىنى جاراتتى، جانە ءار نارسەنى ولشەپ، تارازىلادى، جوسپارلاپ قويدى. بۇندا ادام تۇسىنەتىن نارسەلەر بار، ءبىراق بۇلار از، ال ادامدار تۇسىنبەيتىن نارسەلەر وتە كوپ.

ەگەر بىرەۋ ءوزى تۇسىنبەيتىن نارسەگە ارالاسسا، ول اقىلىنان ايىرىلار، بۇندايدا ول اقىلىن، نەمەسە يمانىن جوعالتىپ الار، سوندىقتان، پايعامبارىمىز ﷺ، «اللانىڭ وزىنە، اسىلىنا وي جۇگىرتپە» دەيدى. بۇلاي ويلاۋدى قويا تۇرالىق، كەيبىر ادامدار تىم ۇزاققا كەتىپ، قاجەتسىز نارسەلەردى قۇداي كورەر، سولارعا قۇلشىلىق ەتەر، كەيبىرى ءتىپتى ۇزاققا قاڭعىپ كەتەدى. ولار سونداي ويلار، قۇداي ساقتاسىن، ءتىپتى ولاردىڭ ويىنشا اللا ادام بەينەسىمەن كەلىپ، ادامدار اراسىنا كىرەدى ەكەن-مىس. ال وسى نارسەلەر وتە قيسىنسىز نارسەلەر، ولار لوگيكادان جۇرداي. بىلگىن، سەن ادامسىڭ، اللا ﷻ ساعان اقىل بەردى، ال سەنىڭ بۇل اقىلىڭ شەكتەۋلى عانا. ءمالىم نارسەلەردە كەيبىر شەك-شەگارا بولادى، ونداي نارسەگە جولاماڭىز، ال جولاساڭىز، قۇريتىن بولاسىز، وعان جاقىنداساڭ، شارۋاڭ بىتەدى، سوندىقتان سەن ءوز شەك-شەگاراڭدى ءبىلۋىڭ كەرەك.

اللا ءاززا ءۋا-ءجاللا كوكپەن جەردى جاراتتى، ول ولاردى ادامزاتتىڭ ەسەبى بويىنشا التى كۇندە جاراتقانىن ايتادى، ال ءوسىبىر التى كۇننىڭ قانشا ميليون، قانشا ميليارت ەكەنىن اللا ءوزى بىلەدى. بۇنى بىلمەيسىزدەر، ءبىراق سوندا دا ادامدار بىردەڭەنى تۇسىنبەك بولىپ قۇلشىنار، ولار تىرىسا-تىرىسا كەلە، «مىنا الەم قانشالىق ۇلكەن» دەر، ونى دا بىلمەككە قۇلشىنار. ءبىراق ادامدار ونىڭ اقىر-شەگىنە جەتە المايدى، وسىنىڭ ءوزى اللا ۇلىلىعىن، ونىڭ جاراتقانىن، جانە ونىڭ قالاي ەسەپتەپ قويعانىن كورسەتۋدە، ول بارلىعىن جاراتقان، سونشا ميليارت-تريليون جۇلدىزدار ءبىر-بىرىمەن سوعىلماي بىرگە كەلە جاتىر. باسقا نارسەلەر سياقتى، ولاردىڭ دا ءوز ءومىر ۋاقىتتارى بار، ال وسى ءومىر ۋاقىتى بىتكەندە، باسقا ىستەر تۋىلار، جانە نە تۋىلارىن اللا ءوزى بىلەر. ال ءقازىر ءبىزدىڭ كەزەگىمىز، وسى كەزەگىمىز كەلگەندە، ءبىز دە اللا ﷻمەن تىنىشتىق ىشىندە كەزدەسۋىمىز كەرەك، مىنە وسى ءجايلى ويلانىڭدار.

ءبىز اللانىڭ بىزگە بۇيىرعان امىرلەرىمەن ادەمى قۇلشىلىقتارىن ورىندالىق، جانە اللاعا كەزدەسەر كۇندى كۇتۋىمىز كەرەك، وعان يمان ەتىپ، سەنۋىمىز كەرەك، سەبەبى ول كۇن وتە ماڭىزدى كۇن. يمانمەن اتتانۋ، وعان سەنىپ، يمان ەتۋ، يمانىمىزدى ساقتاپ، اقيرەتكە بارۋ قاتارلى ىستەر ماڭىزدى ىستەر بولماق. اللا ﷻ بارلىعىمىزدىڭ قۇلشىلىعىمىزدى قابىل ەتكەي، ارينە، ءبىزدىڭ قۇلشىلىعىمىزدا كەمشىلىك كوپ. ال كەيبىر ادامدار بار بولىپ، ولار اركىمنىڭ ىسىنە كەلسىن-كەلمەس ارالاسادى. كوپتەگەن ادامدار وسىلاي وزگە ىسىنە كيلىگىپ، «سەن جاقسى قۇلشىلىق ەتتىڭ، نامازدى جاقسى وتەدىڭ، نەمەسە نامازدى جاقسى وتەمەدىڭ» دەپ، ارتىق سويلەر. ال ءبىز قۇلشىلىعىمىزدا كەم تۇستاردىڭ بار ەكەندىگىن بىلەمىز، ءبىراق اللا ونى دا قابىل ەتەر، اللا ﷻ ءبىزدى كەشىرگەي، جانە قابىل ەتكەي، ينشاللا. جانە ول بىزگە ءجانناتقا جەتۋدى ءناسىپ ەتكەي، ينشاللا، بارلىعىمىزدى، ينشاللا.

- ءۋاميناللاھيتاۋفيق، ءال-فاتيحا.

- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق

nvrislam.net

instagram.com/nvrislami