Сұхбат: су Алла жағынан адамдарға берілген өте қасиетті жаратылыс (2026.03.15 / Хижри 1447-жыл 26-Рамадан)

 https://nvrislam.net/index.php?j=kz&post=8744

Сұхбат: су Алла жағынан адамдарға берілген өте қасиетті жаратылыс (2026.03.15 / Хижри 1447-жыл 26-Рамадан)

Исламбол (Станбул), Түркия.

(Lefke, Cyprus, Türkiye, 2026) Бисмиллахир рахманир рахим, «وَجَعَلْنَا مِنَ ٱلْمَآءِ كُلَّ شَىْءٍ حَىٍّ», яғни, «және біз әрбір жанды нәрсені судан жараттық», құран 21інші сүре 30інші аят, «وَأَنزَلْنَا مِنَ ٱلسَّمَآءِ مَآءً طَهُورًا», яғни, «және біз көктен таза суды жібердік», құран 25інші сүре 48інші аят, садақаллахулғазим. Алла Әззә уә-Жәллә бұл аяттарда, «біз барлығын судан жараттық, біз барлығына сумен өмір береміз» дейді, Ол тағы, «біздің көктен жібергеніміз таза су» дейді. Ал исламның негізі тазалық, ол - дәретпен ғұсыл, біз онсыз ештеңе істей алмаймыз, тәндік және рухани тазалық та сумен келеді, әрине физикалық өмірде сусыз ештеңе тұра алмайды.

Демек, су болмаса, ештеңе өнбейді, өмір болмайды, ал жаңбыр Алла құдіретімен жауады, әрине, Алла өзі қалаған кезде ғана жауын жаудырады, оны көктен түсіреді. Ал егер Ол оны қаламаса, ол да солай болар, яғни, егер қаламаса, Ол өзі айтып өткендей жағдай болар, демек, Ол оны буландырып, бұлытқа айналдырар, содан саған ештеңе тамбай қояр. Ол жауынды теңіздің ортасына жаудырып, ал сендердің төбелеріңе ештеңе жаудырмай қояды, сонда не істей аласыңдар, қане? Сондықтан, біз осыбір нығыметтер үшін Аллаға шүкір етелік, біз әр нәрсенің Алладан келген нығымет екенін білуіміз керек, осы берекенің қадірін білейік, оған құрмет көрсетелік, Алла ﷻға көптеп шүкір етелік.

Пайғамбарымыз ﷺ қасиетті хадис-шәрифінде, суға, өзенге сиіп, дәрет қылғандардың қарғысталғанын айтар, қарғысқа қалу оңай іс емес, ондай адамдар төте қарғысталды. Сол үшін су аса зор нығымет, шүкір-Алла, шайық-піріміздің және осыбір айдың мына күндерінің берекесімен Алла Әззә уә-Жәллә бізге сол нығыметті берді. Ал рухани жағына келер болсақ, біз суды намазбен дәрет алғанда, және басқа нәрселерге істетеміз, демек, Алла Әззә уә-Жәлләның құзіретінде таза тұру осы берекелі су арқылы келер. Онсыз ол болмас, өзіңізді бензин я жанармаймен, я іспіртпен жуа алмайсыз. Олар сізді тазарта алмайды, таза емес, оларды істетуге келмейді, бірақ берекелі сумен сіз жуынасыз, дәрет аласыз, ғұсыл аласыз, осылай рухани риздық аласыз.

Егер таза дәрет болмаса, ғұсыл болмаса, руханият келмес, «мен дәрет алған жоқпын, мен тазамын, оны жүрегіммен істей саламын» деуге келмейді, оларға, «намаз өтейсіңбе» десе, «жоқ, өтемеймін» дер. Ал тағы, «неге намаз өтемейсің» делінсе, «мен оны істей алмаймын» дер, себебі оларда дәрет жоқ, олар дәрет алмайды, ғұсыл алмайды, дәретсіз жүре береді. Көптеген адамдар қазір солай болып кеткен, бірақ тазалық болмаса, оларға жақсы нәрсе келмес. Пайғамбарымыз ﷺ, «суды ысырап етпе» дейді, ол аз сумен дәрет-ғұсыл алатын, Мәуләнә Шайық Назым хазірет те солай істейтін, ол бір шыны сумен дәрет алатын, ал ғұсылды кішкене бөтелке істетіп, бір табақ сумен бітіретін. Ол оған қатты құрмет көрсететін, ал қазіргі кездегі адамдар бұдан хабарсыз, олар суды өте ысырап етеді, шаша береді, содан олардан береке кетеді. Алла ﷻ бізге береке бергей, және осы беркелер үшін Аллаға шүкір.

- УәминАллаһиТауфиқ, әл-Фатиха.

- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық

nvrislam.net

instagram.com/nvrislami

سۇحبات: سۋ اللا جاعىنان ادامدارعا بەرىلگەن وتە قاسيەتتى جاراتىلىس (2026.03.15 / حيجري 1447-جىل 26-رامادان)

يسلامبول (ستانبۋل)، تۇركيا.

(Lefke، Cyprus، Türkiye، 2026) بيسميللاحير راحمانير راحيم، «وَجَعَلْنَا مِنَ ٱءلْمَآِ كُلَّ ءشَىٍْ حَىٍّ»، ياعني، «جانە ءبىز ءاربىر جاندى نارسەنى سۋدان جاراتتىق»، قۇران 21ءىنشى سۇرە 30ءىنشى ايات، «وَأَنزَلْنَا مِنَ ٱءلسَّمَآِ ءمَآً طَهُورًا»، ياعني، «جانە ءبىز كوكتەن تازا سۋدى جىبەردىك»، قۇران 25ءىنشى سۇرە 48ءىنشى ايات، ساداقاللاحۋلعازيم. اللا ءاززا ءۋا-ءجاللا بۇل اياتتاردا، «ءبىز بارلىعىن سۋدان جاراتتىق، ءبىز بارلىعىنا سۋمەن ءومىر بەرەمىز» دەيدى، ول تاعى، «ءبىزدىڭ كوكتەن جىبەرگەنىمىز تازا سۋ» دەيدى. ال يسلامنىڭ نەگىزى تازالىق، ول - دارەتپەن عۇسىل، ءبىز ونسىز ەشتەڭە ىستەي المايمىز، تاندىك جانە رۋحاني تازالىق تا سۋمەن كەلەدى، ارينە فيزيكالىق ومىردە سۋسىز ەشتەڭە تۇرا المايدى.

دەمەك، سۋ بولماسا، ەشتەڭە ونبەيدى، ءومىر بولمايدى، ال جاڭبىر اللا قۇدىرەتىمەن جاۋادى، ارينە، اللا ءوزى قالاعان كەزدە عانا جاۋىن جاۋدىرادى، ونى كوكتەن تۇسىرەدى. ال ەگەر ول ونى قالاماسا، ول دا سولاي بولار، ياعني، ەگەر قالاماسا، ول ءوزى ايتىپ وتكەندەي جاعداي بولار، دەمەك، ول ونى بۋلاندىرىپ، بۇلىتقا اينالدىرار، سودان ساعان ەشتەڭە تامباي قويار. ول جاۋىندى تەڭىزدىڭ ورتاسىنا جاۋدىرىپ، ال سەندەردىڭ توبەلەرىڭە ەشتەڭە جاۋدىرماي قويادى، سوندا نە ىستەي الاسىڭدار، قانە؟ سوندىقتان، ءبىز ءوسىبىر نىعىمەتتەر ءۇشىن اللاعا شۇكىر ەتەلىك، ءبىز ءار نارسەنىڭ اللادان كەلگەن نىعىمەت ەكەنىن ءبىلۋىمىز كەرەك، وسى بەرەكەنىڭ ءقادىرىن بىلەيىك، وعان قۇرمەت كورسەتەلىك، اللا ﷻعا كوپتەپ شۇكىر ەتەلىك.

پايعامبارىمىز ﷺ قاسيەتتى حاديس-شاريفىندە، سۋعا، وزەنگە ءسيىپ، دارەت قىلعانداردىڭ قارعىستالعانىن ايتار، قارعىسقا قالۋ وڭاي ءىس ەمەس، ونداي ادامدار توتە قارعىستالدى. سول ءۇشىن سۋ اسا زور نىعىمەت، شۇكىر-اللا، شايىق-ءپىرىمىزدىڭ جانە ءوسىبىر ايدىڭ مىنا كۇندەرىنىڭ بەرەكەسىمەن اللا ءاززا ءۋا-ءجاللا بىزگە سول نىعىمەتتى بەردى. ال رۋحاني جاعىنا كەلەر بولساق، ءبىز سۋدى نامازبەن دارەت العاندا، جانە باسقا نارسەلەرگە ىستەتەمىز، دەمەك، اللا ءاززا ءۋا-ءجاللانىڭ قۇزىرەتىندە تازا تۇرۋ وسى بەرەكەلى سۋ ارقىلى كەلەر. ونسىز ول بولماس، ءوزىڭىزدى بەنزين يا جانارمايمەن، يا ىسپىرتپەن جۋا المايسىز. ولار ءسىزدى تازارتا المايدى، تازا ەمەس، ولاردى ىستەتۋگە كەلمەيدى، ءبىراق بەرەكەلى سۋمەن ءسىز جۋىناسىز، دارەت الاسىز، عۇسىل الاسىز، وسىلاي رۋحاني ريزدىق الاسىز.

ەگەر تازا دارەت بولماسا، عۇسىل بولماسا، رۋحانيات كەلمەس، «مەن دارەت العان جوقپىن، مەن تازامىن، ونى جۇرەگىممەن ىستەي سالامىن» دەۋگە كەلمەيدى، ولارعا، «ناماز وتەيسىڭبە» دەسە، «جوق، وتەمەيمىن» دەر. ال تاعى، «نەگە ناماز وتەمەيسىڭ» دەلىنسە، «مەن ونى ىستەي المايمىن» دەر، سەبەبى ولاردا دارەت جوق، ولار دارەت المايدى، عۇسىل المايدى، دارەتسىز جۇرە بەرەدى. كوپتەگەن ادامدار ءقازىر سولاي بولىپ كەتكەن، ءبىراق تازالىق بولماسا، ولارعا جاقسى نارسە كەلمەس. پايعامبارىمىز ﷺ، «سۋدى ىسىراپ ەتپە» دەيدى، ول از سۋمەن دارەت-عۇسىل الاتىن، ءماۋلانا شايىق نازىم حازىرەت تە سولاي ىستەيتىن، ول ءبىر شىنى سۋمەن دارەت الاتىن، ال عۇسىلدى كىشكەنە بوتەلكە ىستەتىپ، ءبىر تاباق سۋمەن بىتىرەتىن. ول وعان قاتتى قۇرمەت كورسەتەتىن، ال قازىرگى كەزدەگى ادامدار بۇدان حابارسىز، ولار سۋدى وتە ىسىراپ ەتەدى، شاشا بەرەدى، سودان ولاردان بەرەكە كەتەدى. اللا ﷻ بىزگە بەرەكە بەرگەي، جانە وسى بەركەلەر ءۇشىن اللاعا شۇكىر.

- ءۋاميناللاھيتاۋفيق، ءال-فاتيحا.

- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق

nvrislam.net

instagram.com/nvrislami