Сұхбат: дүние қызығына алданба, Алла ризалығы үшін іс қыл (2026.02.06 / Хижри 1447-жыл 18-Шағбан)

 https://nvrislam.net/index.php?j=kz&post=8704

Сұхбат: дүние қызығына алданба, Алла ризалығы үшін іс қыл (2026.02.06 / Хижри 1447-жыл 18-Шағбан)

Исламбол (Станбул), Түркия.

(Akbaba Dergah, Istanbul, Türkiye, 2026) Бисмиллахиррахманиррахим, «وَقُلِ ٱعْمَلُوا۟ فَسَيَرَى ٱللَّهُ عَمَلَكُمْ وَرَسُولُهُ», яғни, «және "істе, ал Алла және Оның елшісі сендердің амалдарыңды көрер" деп айт», құран 9інші сүре 105інші аят, садақаллахулғазим. Алла Әззә уә-Жәллә, «істемек болған ісіңді істе, мына дүниеде істеген әр ісіңді Алла көреді, және Ол тағы көре берер» дейді, демек, сіз істемек болған барлық амал Алла Әззә уә-Жәлләның құзіретінде білініп, көрінетін болады. Егер сіз жақсы амал істесеңіз, Алла Әззә уә-Жәллә оны көреді, және оған тиісті сауабын береді, ал жаман іс істесеңіз, және оған өкіне тәубе етпесеңіз, онда сізге міндетті түрде жаза бар. Бұнда адамды алып жатқан дүниелік істер бар, ал Алла Әззә уә-Жәллә, «мына дүние тек ойын-күлкі, қызық-шудан басқа ештеңе емес» дейді, сондықтан, істемек болған істер Алла ﷻ жолы үшін болуы керек. Ал қажетсіз істерге көп маңыздылық танытудың еш қажеті жоқ, егер адамдар сол үшін еңбек етіп, ақшасын шашса, бұдан оларға пайда жоқ, ол сізге еш пайда әкелмес. Кейбір адамдар өте жаман нәрселердің артына түсер, ал кейбір тым жаман емес нәрсенің артында жүрер, бірақ олар сондай бос нәрселерге уақытымен күшін ысырап етер.

СүбіханАлла. екі күннің алдында біз әуежәйда болғанда бір топ адамдарды көрдік, олар не қылып жүр екен десек, олар, «ох, бұнда екі бала футбол ойнауға келіпті, қалың жұрт соған бола, оларға сәлем бергелі жиналыпты» деп айтты. Сонда бұл жұрт оларға сондай бір қызғын ынтамен келген десеңізші, олар қалың нопыр болып жиналыпты, сонда айтпақшым мынау, мәселен, адамдар қажыға барады, сол кезде олар шайық немесе ғұламаға бұндай ынта, бұндай қызғындылықпен жиналмайды. Бірақ олар бос нәрселерді, қажетсіз нәрселерді шыр айналып, солардың артынан құрақ ұша жүгіреді, егер олар сондай ынталарының бір пайызын Алла жолына арнаса, олардың барлығы әулие болар еді, биікке ұшар еді. СүбіханАлла, шайтан адамдарға керемет ынталандыру бергені соншалық, сіз, «егер мен одан қалсам ештеңеге жете алмай, бірдеңеден құр қалармын, я бірдеңем кем болып қалар» деп, ойлап қалатын боласыз. Бірақ сен онда ең кемінде уақытыңмен, күшіңді ысырап етудесің, ал Алла ﷻдың жолына келгенде, жағдай әсте ондай болмас.

Сондықтан сақ болуымыз керек, адамдар машина яғни кәмера алдына отырып, сағаттап сөйлеп жатады, олардың соншама сағаттар бойы не сөйлейтінін білмедім, тіпті таңға дейін ұйықтамайды. Бұл адамдар ойлануы керек, Алла Әззә уә-Жәллә олардың не істегендерін көріп отыр, Ол олардан бұлар үшін есеп алатын болады. Ал адамдар кейін бұнысына өкініп, «уақытымды ысырап етіптім, оның орнына Аллаһ деген болсамшы, бар пайда сонда екен ғой, басқа ісімде пайда жоқ екен» деп ойлар. Сондықтан, сақ болу керек, істі Алла үшін істеп, Алла қалағанындай етелік, ең кемінде Алланы ұмытып қалмаңыз, және қайда барсаңыз да, Алланы ұмытпай, «Алла бізді кешіргей, қазіргі хәлімізге риза емеспін» деп, айтып жүріңіз. Біз хәліміздің жақсаруы үшін Аллаға дұға етелік, иншалла, Алла ﷻ бізді бос нәрселермен әбігер етіп қоймағай, істегеніміз бізге пайдалы болғай, өзімізде өзімізге пайдалы нәрселер болғай, Алла ﷻ бізге жәрдем еткей. Ал қазір адамдар қызықпен жеңілтектіктен басқа ештеңе ойламайтын болды, Алла ﷻ барлығымызды оңалытқай.

- УәминАллаһиТауфиқ, әл-Фатиха.

- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық

nvrislam.net

instagram.com/nvrislami

سۇحبات: دۇنيە قىزىعىنا الدانبا، اللا ريزالىعى ءۇشىن ءىس قىل (2026.02.06 / حيجري 1447-جىل 18-شاعبان)

يسلامبول (ستانبۋل)، تۇركيا.

(Akbaba Dergah، Istanbul، Türkiye، 2026) بيسميللاحيرراحمانيرراحيم، «وَقُلِ ٱعْمَلُوا۟ فَسَيَرَى ٱللَّهُ عَمَلَكُمْ وَرَسُولُهُ»، ياعني، «جانە "ىستە، ال اللا جانە ونىڭ ەلشىسى سەندەردىڭ امالدارىڭدى كورەر" دەپ ايت»، قۇران 9ءىنشى سۇرە 105ءىنشى ايات، ساداقاللاحۋلعازيم. اللا ءاززا ءۋا-ءجاللا، «ىستەمەك بولعان ءىسىڭدى ىستە، مىنا دۇنيەدە ىستەگەن ءار ءىسىڭدى اللا كورەدى، جانە ول تاعى كورە بەرەر» دەيدى، دەمەك، ءسىز ىستەمەك بولعان بارلىق امال اللا ءاززا ءۋا-ءجاللانىڭ قۇزىرەتىندە ءبىلىنىپ، كورىنەتىن بولادى. ەگەر ءسىز جاقسى امال ىستەسەڭىز، اللا ءاززا ءۋا-ءجاللا ونى كورەدى، جانە وعان ءتيىستى ساۋابىن بەرەدى، ال جامان ءىس ىستەسەڭىز، جانە وعان وكىنە تاۋبە ەتپەسەڭىز، وندا سىزگە مىندەتتى تۇردە جازا بار. بۇندا ادامدى الىپ جاتقان دۇنيەلىك ىستەر بار، ال اللا ءاززا ءۋا-ءجاللا، «مىنا دۇنيە تەك ويىن-كۇلكى، قىزىق-شۋدان باسقا ەشتەڭە ەمەس» دەيدى، سوندىقتان، ىستەمەك بولعان ىستەر اللا ﷻ جولى ءۇشىن بولۋى كەرەك. ال قاجەتسىز ىستەرگە كوپ ماڭىزدىلىق تانىتۋدىڭ ەش قاجەتى جوق، ەگەر ادامدار سول ءۇشىن ەڭبەك ەتىپ، اقشاسىن شاشسا، بۇدان ولارعا پايدا جوق، ول سىزگە ەش پايدا اكەلمەس. كەيبىر ادامدار وتە جامان نارسەلەردىڭ ارتىنا تۇسەر، ال كەيبىر تىم جامان ەمەس نارسەنىڭ ارتىندا جۇرەر، ءبىراق ولار سونداي بوس نارسەلەرگە ۋاقىتىمەن كۇشىن ىسىراپ ەتەر.

ءسۇبىحاناللا. ەكى كۇننىڭ الدىندا ءبىز اۋەجايدا بولعاندا ءبىر توپ ادامداردى كوردىك، ولار نە قىلىپ ءجۇر ەكەن دەسەك، ولار، «وح، بۇندا ەكى بالا فۋتبول ويناۋعا كەلىپتى، قالىڭ جۇرت سوعان بولا، ولارعا سالەم بەرگەلى جينالىپتى» دەپ ايتتى. سوندا بۇل جۇرت ولارعا سونداي ءبىر قىزعىن ىنتامەن كەلگەن دەسەڭىزشى، ولار قالىڭ نوپىر بولىپ جينالىپتى، سوندا ايتپاقشىم مىناۋ، ماسەلەن، ادامدار قاجىعا بارادى، سول كەزدە ولار شايىق نەمەسە عۇلاماعا بۇنداي ىنتا، بۇنداي قىزعىندىلىقپەن جينالمايدى. ءبىراق ولار بوس نارسەلەردى، قاجەتسىز نارسەلەردى شىر اينالىپ، سولاردىڭ ارتىنان قۇراق ۇشا جۇگىرەدى، ەگەر ولار سونداي ىنتالارىنىڭ ءبىر پايىزىن اللا جولىنا ارناسا، ولاردىڭ بارلىعى اۋليە بولار ەدى، بيىككە ۇشار ەدى. ءسۇبىحاناللا، شايتان ادامدارعا كەرەمەت ىنتالاندىرۋ بەرگەنى سونشالىق، ءسىز، «ەگەر مەن ودان قالسام ەشتەڭەگە جەتە الماي، بىردەڭەدەن قۇر قالارمىن، يا بىردەڭەم كەم بولىپ قالار» دەپ، ويلاپ قالاتىن بولاسىز. ءبىراق سەن وندا ەڭ كەمىندە ۋاقىتىڭمەن، كۇشىڭدى ىسىراپ ەتۋدەسىڭ، ال اللا ﷻدىڭ جولىنا كەلگەندە، جاعداي استە ونداي بولماس.

سوندىقتان ساق بولۋىمىز كەرەك، ادامدار ماشينا ياعني كامەرا الدىنا وتىرىپ، ساعاتتاپ سويلەپ جاتادى، ولاردىڭ سونشاما ساعاتتار بويى نە سويلەيتىنىن بىلمەدىم، ءتىپتى تاڭعا دەيىن ۇيىقتامايدى. بۇل ادامدار ويلانۋى كەرەك، اللا ءاززا ءۋا-ءجاللا ولاردىڭ نە ىستەگەندەرىن كورىپ وتىر، ول ولاردان بۇلار ءۇشىن ەسەپ الاتىن بولادى. ال ادامدار كەيىن بۇنىسىنا وكىنىپ، «ۋاقىتىمدى ىسىراپ ەتىپتىم، ونىڭ ورنىنا اللاھ دەگەن بولسامشى، بار پايدا سوندا ەكەن عوي، باسقا ىسىمدە پايدا جوق ەكەن» دەپ ويلار. سوندىقتان، ساق بولۋ كەرەك، ءىستى اللا ءۇشىن ىستەپ، اللا قالاعانىنداي ەتەلىك، ەڭ كەمىندە اللانى ۇمىتىپ قالماڭىز، جانە قايدا بارساڭىز دا، اللانى ۇمىتپاي، «اللا ءبىزدى كەشىرگەي، قازىرگى حالىمىزگە ريزا ەمەسپىن» دەپ، ايتىپ ءجۇرىڭىز. ءبىز ءحالىمىزدىڭ جاقسارۋى ءۇشىن اللاعا دۇعا ەتەلىك، ينشاللا، اللا ﷻ ءبىزدى بوس نارسەلەرمەن ابىگەر ەتىپ قويماعاي، ىستەگەنىمىز بىزگە پايدالى بولعاي، وزىمىزدە وزىمىزگە پايدالى نارسەلەر بولعاي، اللا ﷻ بىزگە جاردەم ەتكەي. ال ءقازىر ادامدار قىزىقپەن جەڭىلتەكتىكتەن باسقا ەشتەڭە ويلامايتىن بولدى، اللا ﷻ بارلىعىمىزدى وڭالىتقاي.

- ءۋاميناللاھيتاۋفيق، ءال-فاتيحا.

- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق

nvrislam.net

instagram.com/nvrislami