Сұхбат: сопылық тәриқатта жүргендер өзара бөлініп керіспесін (2026.02.05 / Хижри 1447-жыл 17-Шағбан)

 https://nvrislam.net/index.php?j=kz&post=8702

Сұхбат: сопылық тәриқатта жүргендер өзара бөлініп керіспесін (2026.02.05 / Хижри 1447-жыл 17-Шағбан)

Исламбол (Станбул), Түркия.

(Sheikh Nazim Dergah, London, UK, 2026) Англияда айтылған сұхбат. Бисмиллахир рахманир рахим, «وَٱعْتَصِمُوا۟ بِحَبْلِ ٱللَّهِ جَمِيعًا وَلَا تَفَرَّقُوا۟», яғни, «және Алланың арқанынан мықтап бірге ұстаңдар, және бөлінбеңдер», құран 3інші сүре 103інші аят, садақаллахулғазим. Алла Әззә уә-Жәллә, «Алланың арқанынан мықты ұстаңдар, және араларыңда өзара бөліну болмасын» дейді, міне бұл Алла Әззә уә-Жәлләның әмірі. Әсіресе, сопылық тәриқатқа еретіндер осы қағиданы ең жақсы ұстануы керек, себебі тәриқат шәриғаттың жүрегі және маңызы, бірақ кейбір сопылық тәриқаттағылар ұсақталып бөлініп, бір-біріне қарсы болып кеткен. Ал ақиқатында олар бірігіп, басқа нәрселерге қарсы тұруы керек болатын, яғни олар Алла ﷻдың ризалғына жету үшін күпірлікке қарсы келуі керек еді.

Ал қазір олар бөлініп, Алла Әззә уә-Жәлләның әміріне қарсы келді, сондықтан кейінтінде туылып жатқан бұл істер Алла Әззә уә-Жәлләның әмірінің сыртында туылуда, олар шайтанның әмірімен туылуда. Ал бұған шайтан мәз, бұл істер шайтанды қуантады, бірақ пайғамбарымыз ﷺмен әулиелерді көңілсіз етеді, пайғамбарымыз ﷺ, «бір мүмин тағы бір мүминнің айнасы» дер, яғни, «الْمُؤْمِنُ مِرْآةُ الْمُؤْمِنِ». Сондықтан, егер сіз бір мүминді сынап-мінесеңіз, я оған қарсы іс қылсаңыз, ол сіздің де онымен ұқсас болғаныңызды білдіреді, демек сіздерде ұқсамастық жоқ, сол үшін сіз мүминнің кемшілігін жасыруыңыз керек, оның бәлендей кемшілігі болмаса да, оны кемшілігі бар деп жар салмаңыз, және тысқа шығып, басқа жамағатқа қарсы тағы бір жамағат жасамаңыз.

Бұл жақсы емес, сопылық тәриқат әдебіне келмес, сіз не айтып жатқаныңызды білуіңіз керек, сөзіңізді ыждағатпен салмақтап көріңіз, бұнда қажетсіз істер керек емес, ал сіз жақсы іс, игі амал істеңіз, сонда бірлік болады. Шайтанға қарсы ынтымақ болсын, осы күнде бізге керегі міне осы, шайтанды мәз қылмаңыз, одан аулақ кетіңіз, оның әміріне бас қоймаңыз, бірақ қазір көңілсіз істер туылуда. Алланың сүйетін бір ісі тәтті ынтымақпен береке бірлік, бұны пайғамбарымыз да сүйеді, сондықтан шайтанға еру бізге пайда бермейді, ал біз бұны ешқашан қабыл етпейміз. Сіз не айтып жатқаныңызды білуіңіз керек, сіздің жұбба шапан киіп, тұрбан-сәлде таққаныңыз, мұрт қойып, сақал өсіргеніңіз сізді ғұлама етіп жібермейді. Нағыз ғұлама дегеніміз хикімет-даналыққа ие адам, соған жеткен адам, егер кімде хикімет-даналық болмаса, оның еш пайдасы жоқ.

Сондықтан сақ бол, не айтқаныңа ден қой, «мен жақсымын, сен жамансың» деген нәрсе жоқ, әр адамға тиеселі ерекше қасиетті Алла Әззә уә-Жәллә берген, яғни, Мәуләнә Шайық Назым хазірет айтып өткендей, мұсылман жүрегі қайда тартса, соған еруі керек. Ал сіз, «мен сөзбен жүректерді ұтып аламын» деп ойламаңыз, жоқ, жүректер Алланың қолында, сондықтан біреудің жүрегі қайда тартса, оны сонда жіберелік, оны келуге зорламаңыз, күш көрсетпеңіз. Алла ﷻ әр адамға тура жол көрсеткей, ал тура жолға ерген соң, оның қайсысы болуы маңызды емес. Мейлі, қай сопылық тәриқатқа еріңіз, ол - Алла ﷻдың жолы, пайғамбарымыз ﷺның жолы. Бұған бола соғыспаңыздар, өзара айтыспаңыздар, тартысып жұлыспаңыздар, өзгелермен де соғыспаңыздар. Алла ﷻ бізді панасына алғай, міне бұл бір айтылған кеңес, иншалла, біз сондай теріс хабарды тағы естімейтін болайық.

- УәминАллаһиТауфиқ, әл-Фатиха.

- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық

nvrislam.net

instagram.com/nvrislami

سۇحبات: سوپىلىق ءتاريقاتتا جۇرگەندەر ءوزارا ءبولىنىپ كەرىسپەسىن (2026.02.05 / حيجري 1447-جىل 17-شاعبان)

يسلامبول (ستانبۋل)، تۇركيا.

(Sheikh Nazim Dergah، London، UK، 2026) انگليادا ايتىلعان سۇحبات. بيسميللاحير راحمانير راحيم، «وَٱعْتَصِمُوا۟ بِحَبْلِ ٱللَّهِ جَمِيعًا وَلَا تَفَرَّقُوا۟»، ياعني، «جانە اللانىڭ ارقانىنان مىقتاپ بىرگە ۇستاڭدار، جانە بولىنبەڭدەر»، قۇران 3ءىنشى سۇرە 103ءىنشى ايات، ساداقاللاحۋلعازيم. اللا ءاززا ءۋا-ءجاللا، «اللانىڭ ارقانىنان مىقتى ۇستاڭدار، جانە ارالارىڭدا ءوزارا ءبولىنۋ بولماسىن» دەيدى، مىنە بۇل اللا ءاززا ءۋا-ءجاللانىڭ ءامىرى. اسىرەسە، سوپىلىق ءتاريقاتقا ەرەتىندەر وسى قاعيدانى ەڭ جاقسى ۇستانۋى كەرەك، سەبەبى ءتاريقات ءشاريعاتتىڭ جۇرەگى جانە ماڭىزى، ءبىراق كەيبىر سوپىلىق ءتاريقاتتاعىلار ۇساقتالىپ ءبولىنىپ، ءبىر-بىرىنە قارسى بولىپ كەتكەن. ال اقيقاتىندا ولار بىرىگىپ، باسقا نارسەلەرگە قارسى تۇرۋى كەرەك بولاتىن، ياعني ولار اللا ﷻدىڭ ريزالعىنا جەتۋ ءۇشىن كۇپىرلىككە قارسى كەلۋى كەرەك ەدى.

ال ءقازىر ولار ءبولىنىپ، اللا ءاززا ءۋا-ءجاللانىڭ امىرىنە قارسى كەلدى، سوندىقتان كەيىنتىندە تۋىلىپ جاتقان بۇل ىستەر اللا ءاززا ءۋا-ءجاللانىڭ ءامىرىنىڭ سىرتىندا تۋىلۋدا، ولار شايتاننىڭ امىرىمەن تۋىلۋدا. ال بۇعان شايتان ءماز، بۇل ىستەر شايتاندى قۋانتادى، ءبىراق پايعامبارىمىز ﷺمەن اۋليەلەردى كوڭىلسىز ەتەدى، پايعامبارىمىز ﷺ، «ءبىر ءمۇمين تاعى ءبىر ءمۇميننىڭ ايناسى» دەر، ياعني، «الْمُؤْمِنُ مِرْآةُ الْمُؤْمِنِ». سوندىقتان، ەگەر ءسىز ءبىر ءمۇميندى سىناپ-مىنەسەڭىز، يا وعان قارسى ءىس قىلساڭىز، ول ءسىزدىڭ دە ونىمەن ۇقساس بولعانىڭىزدى بىلدىرەدى، دەمەك سىزدەردە ۇقساماستىق جوق، سول ءۇشىن ءسىز ءمۇميننىڭ كەمشىلىگىن جاسىرۋىڭىز كەرەك، ونىڭ بالەندەي كەمشىلىگى بولماسا دا، ونى كەمشىلىگى بار دەپ جار سالماڭىز، جانە تىسقا شىعىپ، باسقا جاماعاتقا قارسى تاعى ءبىر جاماعات جاساماڭىز.

بۇل جاقسى ەمەس، سوپىلىق ءتاريقات ادەبىنە كەلمەس، ءسىز نە ايتىپ جاتقانىڭىزدى ءبىلۋىڭىز كەرەك، ءسوزىڭىزدى ىجداعاتپەن سالماقتاپ كورىڭىز، بۇندا قاجەتسىز ىستەر كەرەك ەمەس، ال ءسىز جاقسى ءىس، يگى امال ىستەڭىز، سوندا بىرلىك بولادى. شايتانعا قارسى ىنتىماق بولسىن، وسى كۇندە بىزگە كەرەگى مىنە وسى، شايتاندى ءماز قىلماڭىز، ودان اۋلاق كەتىڭىز، ونىڭ امىرىنە باس قويماڭىز، ءبىراق ءقازىر كوڭىلسىز ىستەر تۋىلۋدا. اللانىڭ سۇيەتىن ءبىر ءىسى ءتاتتى ىنتىماقپەن بەرەكە بىرلىك، بۇنى پايعامبارىمىز دا سۇيەدى، سوندىقتان شايتانعا ەرۋ بىزگە پايدا بەرمەيدى، ال ءبىز بۇنى ەشقاشان قابىل ەتپەيمىز. ءسىز نە ايتىپ جاتقانىڭىزدى ءبىلۋىڭىز كەرەك، ءسىزدىڭ جۇببا شاپان كيىپ، تۇربان-سالدە تاققانىڭىز، مۇرت قويىپ، ساقال وسىرگەنىڭىز ءسىزدى عۇلاما ەتىپ جىبەرمەيدى. ناعىز عۇلاما دەگەنىمىز حيكىمەت-دانالىققا يە ادام، سوعان جەتكەن ادام، ەگەر كىمدە حيكىمەت-دانالىق بولماسا، ونىڭ ەش پايداسى جوق.

سوندىقتان ساق بول، نە ايتقانىڭا دەن قوي، «مەن جاقسىمىن، سەن جامانسىڭ» دەگەن نارسە جوق، ءار ادامعا تيەسەلى ەرەكشە قاسيەتتى اللا ءاززا ءۋا-ءجاللا بەرگەن، ياعني، ءماۋلانا شايىق نازىم حازىرەت ايتىپ وتكەندەي، مۇسىلمان جۇرەگى قايدا تارتسا، سوعان ەرۋى كەرەك. ال ءسىز، «مەن سوزبەن جۇرەكتەردى ۇتىپ الامىن» دەپ ويلاماڭىز، جوق، جۇرەكتەر اللانىڭ قولىندا، سوندىقتان بىرەۋدىڭ جۇرەگى قايدا تارتسا، ونى سوندا جىبەرەلىك، ونى كەلۋگە زورلاماڭىز، كۇش كورسەتپەڭىز. اللا ﷻ ءار ادامعا تۋرا جول كورسەتكەي، ال تۋرا جولعا ەرگەن سوڭ، ونىڭ قايسىسى بولۋى ماڭىزدى ەمەس. مەيلى، قاي سوپىلىق ءتاريقاتقا ەرىڭىز، ول - اللا ﷻدىڭ جولى، پايعامبارىمىز ﷺنىڭ جولى. بۇعان بولا سوعىسپاڭىزدار، ءوزارا ايتىسپاڭىزدار، تارتىسىپ جۇلىسپاڭىزدار، وزگەلەرمەن دە سوعىسپاڭىزدار. اللا ﷻ ءبىزدى پاناسىنا العاي، مىنە بۇل ءبىر ايتىلعان كەڭەس، ينشاللا، ءبىز سونداي تەرىس حاباردى تاعى ەستىمەيتىن بولايىق.

- ءۋاميناللاھيتاۋفيق، ءال-فاتيحا.

- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق

nvrislam.net

instagram.com/nvrislami